CANTIGAS VELLAS para rimar, afinar e xogar.

As cantigas que velaí deixo escoiteillelas e aprendinnas da miña nai,  e ela escoitoullelas e aprendeunas da súa... En castelán ou"galeguizadas" son cantigas para xogar.

A mesma melodía, con pequenas variacións de ritmo atendendo ao texto, é un xogo que combina atención e coordinación motriz: "ANTÓN PIRULERO". 

A persoa que dirixe o xogo (a nai) canta e acompáñase de movementos que recorden actividades (clavar, pintar, coser, tocar distintos instrumentos, plantar, cortar...). O grupo haberá de imitar os acenos, que a nai irá cambiando. A "nai" vixiará que sexan exactos. No caso de trabucarse repetidamente haberá que "pagar a prenda" que o grupo decida.

Velaí unha versión "pop"

Para xogar cos nomes e virar "na roda" vai a cantiga "JOSÉ SE LLAMABA EL PADRE".

Luis - Luisa

Manuel - Manuela

Ramón - Ramona

Juan - Juana

Pedro - Petra

Collidos das mans, o grupo xira nunha roda levando o pulso nos pés e cambiando a dirección do xiro en cada "nova familia".

Velaí queda a versión de Rosa León nos anos 80.

"A MI BURRO" é unha canción para xogar coas rimas, o movemento e a memoria. Aprendido o ritmo e a melodía, proporemos ao noso alumnado inventar a letra da canción. Haberá que buscarlle o xeito e completar cada estrofa. Faremos unha relación de "partes do corpo" e iremos completando a canción. Para cada estrofa engadiremos un aceno de xeito que, ademais de axudarnos a recordar o texto configure unha "coreografía".

Garganta - rodillas - nariz - orejas - barriga - dientes

 Velaí distintas versións. Intenta identificar en que se diferencian da que nos aprendimos.

Versión acústica

Versión rítmica

WORLD MUSIC TOUR: CANADÁ nunha canoa

Desde o Atlántico ata o Pacífico, inmensos bosques, centos de lagos, incontables rios e regatos, enormes cadenas montañosas...  Canadá, o segundo país máis grande do mundo, onde viviron durante milenios poboacións indíxenas ata que expedicións francesas e inglesas ocuparon o territorio.

Imos disfrutar desta natureza tan salvaxe cunha viaxe en canoa.

Comezamos por interpretar distintos ESQUEMAS RÍTMICOS.

A - Estalando os dedos

B - Palmadas

C - Nos muslos

D - Cos pés

O esquema completo será  A B C D

Unha vez aprendido farémolo en CANON a 2

A B C D

           A B C D

Presentamos o texto en inglés

My paddle's keen and bright

flashing with silver,

follow the wild goose flight,

dip, dip and swing.

Meu remar é firme e luminoso,

resplandecente como a prata, 

segue o vóo dunha pantasma, 

entra e abanéase.

E tamén a MELODÍA:

E un OSTINATO

 

Podemos propor ao alumnado inventar unha nova letra.

"Vou río abaixo nunha canoa,

o vento zoa ó meu carón,

montañas brancas, e verdes leiras

todo é silencio en derredor"

E para remate final, interpretemos a CANOE SONG cos instrumentos da aula.

POBRE CLEMENTINA, outro conto para cantar

Que pasa coas historias despois de "e comeron perdices"?

Adela Turin e Nella Bosnia narran como as tartarugas Arturo e Clementina coñécense, namóranse e... a vida vai pasando.

Este é un dos "contos con cantos" que nos encantan e disfrutamos na aula de música desde hai moitos anos.

Aprenderemos a melodía de Vicente Gil recollida nun libro de texto para 6º curso da Ed. SM. Convertirémola nun retrouso co que fiaremos toda a historia.

Para rematar a historia temos duas estrofas máis que cantamos coa mesma melodía.

Se queres lembrar a melodía pica  AQUÍ

E si queres escoitar o conto narrado polo alumnado dunha escola pica na imaxe.

REFUGALLO SONORO

Remata Xaneiro e, desde hai algúns cursos, ábrese a convocatoria do REFUGALLO SONORO. O alumnado de cuarto e de sexto empezan a darlle voltas e máis voltas aos seus miolos. Remexen no faiado, no alpendre, no garaxe, nas lacenas, no alto dos armarios, buscan e rebuscan materiais para construir  o seu INSTRUMENTO MUSICAL.

Velaí algunhas ideas

Velaí a ficha que haberedes de completar para preparar o proxecto. Lembrade que é IMPRESCINDIBLE presentar a ficha ANTES de construir o instrumento.

WORLD MUSIC TOUR. MEDITERRANEO

 ALEPO, SIRIA

ANTES DE DESPOIS

ILLAS GREGAS

NALGÚNS CURRUNCHOS DE TURQUÍA, GRECIA E OS BALCÁNS

NALGÚN ESTUDO DE GRAVACIÓN CATALÁN

MEDITERRANEO
(Joan Manuel Serrat)

Quizás porque mi niñez
sigue jugando en tu playa
y escondido tras las cañas
duerme mi primer amor,
llevo tu luz y tu olor
por dondequiera que vaya,
y amontonado en tu arena
guardo amor, juegos y penas.
Yo, que en la piel tengo el sabor
amargo del llanto eterno
que han vertido en ti cien pueblos
de Algeciras a Estambul
para que pintes de azul
sus largas noches de invierno.
A fuerza de desventuras,
tu alma es profunda y oscura.
A tus atardeceres rojos
se acostumbraron mis ojos
como el recodo al camino.
Soy cantor, soy embustero,
me gusta el juego y el vino,
tengo alma de marinero.
Qué le voy a hacer, si yo
nací en el mediterráneo.
Y te acercas, y te vas
después de besar mi aldea.
Jugando con la marea
te vas, pensando en volver.
Eres como una mujer
perfumadita de brea
que se añora y que se quiere
que se conoce y se teme.
Ay, si un día para mi mal
viene a buscarme la parca,
empujad al mar mi barca
con un levante otoñal
y dejad que el temporal
desguace sus alas blancas.
Y a mí enterradme sin duelo
entre la playa y el cielo...
En la ladera de un monte,
más alto que el horizonte.
quiero tener buena vista.
Mi cuerpo será camino,
le daré verde a los pinos
y amarillo a la genista.
Cerca del mar porque yo
nací en el mediterráneo.

WORLD MUSIC TOUR: BRASIL - Atopar formigas no mercado

Hoxe visitamos BRASIL

 
Escomenzamos xogando con ritmos. Imitamos e reproducimos con palmadas:

Moito máis sinxelo é o que haberemos de facer cos pés:

Organizados en dous grupos, cada grupo interpreta un esquema rítmico pero soarán ámbolos dous ó mesmo tempo. Se practicamos ben concentrados conseguiremos reproducir os dous ritmos á vez.

Engadiremos un novo esquema rítmico que faremos palmeando nas pernas:

Organizados en tres grupos tocaremos os tres esquemas rítmicos que soarán así:

 

Agora chega o tempo de xogar coas palabras. Buscaremos palabras que rimen:

CAFÉ -  PÉ

ARROZ - VOZ

POMELO - DEDO

LENTELLAS - ORELLAS

Organizados en dous grupos, seguiremos xogando coas palabras. Desta vez vai ser pregunta e resposta: un grupo pregunta e o outro responde.

PREGUNTA:   Fun ao mercado a buscar ... café / arroz / pomelo / lentellas

RESPOSTA:   E unha formiguiña picoume nun ... pé / voz / dedo / orellas

Introducimos un retrouso logo de cada serie

Eu sacudín, sacudín, sacudín

pero a formiguiña non deixaba de subir

 

Engadimos unha melodía e convertiremos as rimas en canción:

Agora que xa aprendimos a melodía, imos a xogar coa grafía. Fai por poñer en orde os distintos fragmentos da partitura.

       1       

2

3

4

Poderías tocala coa túa frauta? 

* Cantas notas distintas ten?

* Cal é a nota máis aguda? E a máis grave?

*  Cal é a nota aguda máis curta? En que compás está?

O colectivo musical  galego MARÍA FUMAÇA ten editada unha estupenda versión desta canción

Aprendida a canción na versión de María Fumaça, haberemos de disfrutala máis ainda se nos poñemos en danza. Organizados en parellas, veremos de inventar unha coreografía de percusións corporais para a parte cantada, "sacudíndonos" mutuamente durante o retrouso, e bailando "en muiño" na parte instrumental.

Pero esta é unha canción que cantan os meniños e meniñas do BRASIL, un país que está máis aló do Atlántico. Físicamente están moi lonxe, pero as suas xentes enténdense nunha lingua moi semellante á nosa.

Presta atención e fai por descubrir as semellanzas e diferencias coa cantiga de María Fumaça. Velaí vai un apuntamento para axudar na análise da canción.

* Como é o texto?

* Como é a melodía?

* Como é o "tempo"?

* Que instrumentos sonan?

Prestade atención a esta versión do QUINTAL MUSICAL.

* Que instrumentos utilizan?
* A que familias musicais pertencen?
* Como se chama a técnica musical que utilizan no xilófono?

XOGUETES MUSICAIS

Estamos no tempo do xogo e dos xoguetes. Ocórreseme que poderemos buscar relacións entre a música e os xoguetes.

 Facer música con xoguetes 

Unha primeira opción consiste en facer música con xoguetes. Esa é a proposta de Juan Manuel Ruétalo Luccini. Velaí o seu vídeo. Presta atención para poder contestar:

 * En que compás está a melodía?

 Un pouco máis elaborado é o traballo de Pascal Ayerbe. Haberás de concentrarte para non equivocarte.

* Cantos xoguetes utiliza para tocar a súa melodía?

* Cal é o xoguete que máis veces sona?

* Poderías escribir o ritmo que fai o bote?

En inglés " tocar música" dise "play music"... nesa lingua o mesmo verbo pode tamén significa "xogar". Pois os músicos do grupo METALLICA decidiron xogar e, nun programa de tv no que estaban invitados, puxéronse a interpretar unha das suas cancións con instrumentos de xoguete. Velaí o vídeo. 

* Averigua o nome do estilo musical deste grupo.

* Busca a versión orixinal e escribe cantos músicos son,

 e o nome dos intrumentos que utilizan habitualmente. 

A música representa ós xoguetes

Outra opción é coñecer si nalgunha ocasión a música intentou  representar ou imitar a algún xoguete. Pois si, hai un lote de exemplos. O francés Georges Bizet, inspirándose na infancia escribiu  Xogos de nenos, unha colección de pezas sobre os xoguetes e xogos infantís do seu tempo. Velaí quedan duas gravacións que haberás de visionar atentamente.

* Que relación existe entre os dous vídeos?

* Explica o significado das liñas de cores.  

* Que xoguete representa? ... Unha pista, en fracés chámanlle  "poupée"

 

* En que "tempo está inerpretada esta peza? Escolle entre un dos termos seguintes:

Seguiremos con Bizet. Outra  gravación musical que representa un xoguete. Esta vez xa cho descubro eu: a música describe unha buxaina; pero fíxate ben porque teño  para ti outras tarefas que haberás de resolver.

* Agora que xa sabes algo máis da representación de cores, explica que representan as escaleiras de cores, e as liñas largas.

* Estas dúas pezas de Bizet están interpretadas dun xeito ben curioso. Utiliza a rede e descubre cal é o nome desta técnica de interpretación

* Haberás de averiguar cantos anos viviu Bizet.