ROTEIRO POLO MUNDO NO TEMPO DE NADAL

 O Solsticio de Inverno é unha celebración importante. Nos paises de tradición "cristiana" transformouse no NADAL, e sempre vai acompañado de música específica. Hoxe propóñovos unha viaxe musical por distintos paises de "tradición cristiana". Escoitaredes un fragmento dun villancico ou canto de nadal dun país e haberedes de descubrir de que lugar se trata. Pero NON atoparedes o nome do país, senón unha imaxe dalgún elemento característico que o vai  representar.

Velaquí o listado de paises e as imaxes que os representan:

Perú - alpaca                Nueva Zelanda - Kiwi (paxaro e froito)                Suecia - aurora boreal 

Alemania - salchichas, bretzel e cervexa             Francia - croisant            Reino Unido - autobús

Cuba - coche antigo                Euzkadi - surfista en Mundaka                       Nigeria - volvoretas

Rusia - matrioskas                       Austria - bailando vals                   Cataluña - dragón de Gaudí 

Portugal - fachada con azulejos                    Brasil - disfraces de carnaval                Italia - pizza

Grecia - ruinas e mar                        Canadá - totem indio                        Polonia - casas pintadas

 

* Por certo, esta é unha estupenda oportunidade para descubrirmos algunhas curiosidades...  Sabes que é unha "aurora boreal"?...  Que lles pasa as "volvoretas" de Nigeria?... Por que en Cuba teñen "coches tan antigos"?...  Que relación ten Cataluña co "dragón"?... Por que "o surf" pode representar a Euzkadi?

Agora intenta relacionar cada fragmento musical coa imaxe que lle corresponde 

CONTO CON CANTO PARA RESTAR: Os Dez Canciños

Hai moitas cancións que presentan os NÚMEROS. A que imos coñecer hoxe ten a peculiaridade que tamén introduce a RESTA: OS DEZ CANCIÑOS

Imos utilizar a preciosa edición preparada pola Editorial EKARÉ.

Velaí a portada e a partitura que nos presentan.

A Editorial publicou un vídeo de animación utilizando as ilustracións do libro e a versión grabada da canción. Velaquí está.

 

 Na nosa aula utilizamos a mesma melodía pero fixemos unha traducción ó galego (con algunhas libertades e erros evidentes). Así quedou:

Como axuda para coñecer e memorizar a canción, utilizamos as fichas que seguen:

 

 

 

 

 

Na rede hai uns cantos arranxos desta canción e ata  unha versión para monicreques. Disfrutade

 

 

IX PALCO DO TEMPO VIRADO

Estamos rematando este TEMPO VIRADO. Este será o último PALCO . Aproveitemos para deixarnos sorprender pola nosa xente.

Gabriel Bouzas Longueira (5ºA) saiu de paseo con alguén que sabía e aprendeu a facer un chiflo... Encantado co seu novo xoguete musical comparte con nos este vídeo.

Noa Domínguez Remeseiro (6º B) contruíu un arouxo con tapas de botellas

Bruno Rozas Remeseiro (6º A) tamén fixo o seu

Martín García Calvo (4º B) argallou este elaborado cordófono

Paula Pose Fariña (6ºB) explícanos polo miúdo como convertiu un bote de deterxente nunha guitarra. E agasállanos cunha divertida e marchosa versión do Pasodobre do Tempo Virado.

Vega Menéndez Presedo preparou unhas castañolas co que atopou pola casa. Velaquí queda o vídeo onde nolo explica polo miúdo.

Durante este TEMPO VIRADO deste blog sairon moitas propostas e ben distintas. Velaquí a casa de Brenda Calviño González (1ºB) onde pasan un rato divertido facendo rítmos cunha base musical.

Ainoa Bregua Arcos (5º B) adícalle moito tempo á danza. Envíanos este brevísimo vídeo amosando como disfruta coa delicadeza do ballet.

Lucía Jiménez Bermúdez (1º A) e o seu irmán Hugo completaron unha laboriosa proposta: inventaron as rimas, completaron as frases, aprenderon a melodía, abriron as lacenas buscando algún obxecto para facer ritmo e velaí deixan a súa versión da canción "Fun ao mercado".

Pasamos o pano e pechamos o PALCO. Virán tempos novos. Verémonos, cantaremos, bailaremos, tocaremos... disfrutaremos xunt@s coa música.

Coidádevos moito e coidade da vosa xente.

V PALCO DO TEMPO VIRADO

Desde agora mesmo na WEB DO CEIP SOFÍA CASANOVA queda aberto un atallo que vaivos levar dereitiñ@s ó PALCO DO TEMPO VIRADO. Fixádevos na web da escola. No apartado de música  atoparedes un novo elemento: a foto dun "palco de música". Se premedes nel atoparedes todas as actuacións do PALCO DO TEMPO VIRADO que se publiquen neste blogue. Velaquí a imaxe.

 Abrimos o V PALCO  DO  TEMPO  VIRADO

O palco de hoxe está cheiño de irmáns. Comezamos a función cunha rubia e un moreno, aprenderon a nosa cantiga e prepararon unha coreografía usando elementos de "atrezzo" para facela máis dinámica e divertida. Velaquí déixovos o traballo de Carla (2º A) e Nando García (5º B).

Presentamos de seguido a unha lutier cun prometedor futuro como youtuber. Lúa Fernández (6ºC) fai unha completísima presentación do seu instrumento: amosa os materiais, explica o proceso de construcción polo miúdo e remata, como non, coa interpretación do noso pasodobre.

Roi Fernández (6º A), exprésase coa mesma soltura que a súa irmá Lúa. Presenta o seu elaborado botellófono, explícanos o proceso de construcción e tamén interprétanos o pasodobre.

Pousou o seu benquerido violín e procurou pola casa algo para petar, Gabriela Valerio (6º A), sube ó palco e ofrecenos a súa versión do pasodobre.

Un case nada, uns pasiños marcando unha coreografía na alfombra, aparece e desaparece... está aí... baila o pasodobre moi sorrinte e feliz facendo parella coa súa boneca. Prestade atención porque sube case ó tempo que baixa: é Yanira Asencio de 5º B.

Rematamos con outra bailadora. Cun bule bule no corpo, pero decidida a "dalo todo", Noa Emes (6º A) canta e  baila a súa coreografía para todos nós.

Pechamos o pano deste  V PALCO DO TEMPO VIRADO convencid@s das destrezas, habilidades e musicalidade deste estupendo alumnado. Grazas polo voso esforzo e colaboración. 

Este palco abrirá o seu pano se vós participades. Anímovos a seguir enviando os vosos vídeos "musicais"  á arcadamarga@gmail.com, pero lembrade que somentes poderemos poñelos no blogue coa autorización escrita (con DNI) das vosas familias.

IV PALCO DO TEMPO VIRADO

Comecemos por situarmos. Desde agora mesmo queda aberto un atallo que vaivos levar dereitiñ@s ó PALCO DO TEMPO VIRADO. Fixádevos na cabeceira desta páxina e atoparedes un novo botón. Se premedes nel atoparedes todos os palcos que se publiquen. Velaquí a imaxe.

Abrimos pois o pano de IV PALCO DO TEMPO VIRADO

Abrimos o espectáculo de hoxe con suavidade, delicadeza, precisión e minuciosidade. Fixádevos ben, porque a nosa lutier e instrumentista prepara o seu instrumento. Escoita as súas cordas. Procura o son axeitado tensando as cordas (afina) e logo... Sorpresa!!! Disfrutade  do Pasodobre  que ofrécenos Irene Prada (6ºA)

 Seguimos cun músico animado. Construiu unha guitarra con unha botella que colle coa seguridade dos profesionais e sácalle un bo partido interpretando o noso pasodobre. Aplaudide forte porque Mussie González de 6º B sube ó noso palco.

Entran na escena dous bailones. Ámbolos transmiten enerxía. Todo neles é vitalidade: a voz,  os saltos, as palmadas... Eles entenden moi ben que a música serve para expresar os nosos sentimentos, as nosas emocións. Velaí Dani (1º B) e Carlos (5ºA) García Areosa...

 Candela Mariño de 6ºB ofrece unha interpretación máis intimista e doce. Axúdáse do acompañamento rítmico dun idiófono que preparou cun tubo.

Mateo Docampo (6º C) argallou unha batería; con espíritu musical pasou pola cociña, abriu lacenas e armarios, colleu botes e caixas e... sen medo a nada, canta e toca para nós convencido e decidido.

Rematamos este IV PALCO DO TEMPO VIRADO coa musicalidade de Stella Fontao (6ºA). Preparou unhas maracas ben bonitas e cun son suave e, con elas e a súa afinada voz interpreta a nosa melodía.

 Seguide atent@s porque haberá máis edicións do PALCO VIRADO. Xa sabedes que si queredes subir ó palco, haberedes de enviar  os vosos "vídeo musicais" e a autorización (con DNI) das vosas familias  á arcadamarga@gmail.com.

 

CANCIONEIRO FESTEIRO

Agora, cando xa podemos sair e argallamos as reunións e celebracións coa xente querida, imos facer un repaso das cancións que escoitamos nas "xuntanzas familiares", nas festas, nas tabernas. Todas esas músicas que chegan a nós desde a memoria das persoas que nos precederon. Lembrade que, como a terra, temos a responsabilidade e transmitírllela ás persoas que virán despois de nós. Somos a ponte entre as persoas que estiveron e as persoas que han vir e, polo tanto, haberemos de coidar e respetar o que recibimos e, asemade, comunicárllelo así ás persoas do noso carón.

PARA FESTEIR@S DAS PRIMEIRAS PARRANDAS

Haberás de completar os cadros. Unha das filas do cadro xa está escrita; nela escribín O RETROUSO (o estribillo, en castelán) dunha cantiga popular galega. Haberás de descubrir O TÍTULO da cantiga. E logo, completarás o cadro facendo UN DEBUXO sobre a cantiga (algo que teña que ver coa canción).


 PARA FESTEIR@S  QUE  XA  COÑECEN  A  TROULA 

Haberás de completar os cadros. Unha das filas do cadro xa está escrita; nela escribín O RETROUSO (o estribillo, en castelán) dunha cantiga popular galega. Haberás de descubrir O TÍTULO da cantiga. E logo, completarás o cadro facendo UN DEBUXO sobre a cantiga (algo que teña que ver coa canción).

PARA FESTEIR@S  CON EXPERIENCIA  EN  ESMORGA

Pois velaquí vai a miña proposta. Hai dous cadros que haberás de completar. Unha das filas do cadro xa está escrita; nela escribín O RETROUSO (o estribillo, en castelán) dunha cantiga popular galega. Haberás de descubrir O TÍTULO da cantiga. E para facilitarte a pescuda, terás enlaces a vídeos. Completa o cadro poñendo o número do vídeo.

VÍDEO Nº  1

VÍDEO  Nº  2

VÍDEO Nº  3

VIDEO  Nº  4

VIDEO  Nº  5

VÍDEO Nº  6

VÍDEO  Nº  7

VÍDEO Nº 8

Se completaches o cadro, xa estás en disposición de solucionar o xogo que te propoño.  Velaquí vai o enlace. 

III PALCO PARA UN TEMPO VIRADO

O alumnado do C.E.I.P SOFÍA CASANOVA de Culleredo xa está preparado para ofrecermos un novo espectáculo.

III  PALCO  PARA  UN  TEMPO  VIRADO

 Comezamos cunha voz tan doce e clara como o seu nome. Clara Vázquez de 5ºA acaríñanos suavemente coa súa versión tranquila e relaxada do Pasodobre do Tempo Virado que canta, convencida e segura, sen deixar de mirarnos.

  

Pero logo da calma, chega a elaborada combinación de distintas artes ("performance") que presenta  Hugo Castelo (5ºA). Precisades de toda a vosa atención para disfrutar polo miúdo todos e cada un dos detalles desta coidada interpretación.   

Para Manuela Blanco (6º C) son importantes as cousas pequenas: os murmurios, os toques delicados e precisos, a lixeira resoancia do vidro, o equilibrio de formas e cores. Para chegarmos ó seu mundo de pingas sonoras haberemos de calzarmos cos seus zapatos de silencio e escoitar con atención.

Entrar na cociña con "mente musical" é unha festa de suxestións. Chega un momento en que atopas tantas sonoridades e tan distintas que resulta difícil escoller. Hugo Eiroa (6º B) pasou por esto e tomou decisións, escolleu, probou timbres, ritmos e intensidades e, con gusto convencido, preparounos unha versión "envasada" do pasodobre. 

Cerramos o pano do telón deste III  PALCO  DO  TEMPO  VIRADO cunha coreografía con ar e sol que nos anuncia os tempos de movemento libre no exterior que están a piques de chegar. Nora Vázquez (3º C) emociónase e nos emociona.

Despedimos a este grupo de artistas e creador@s, mentres escoitamos xa o eco doutros tantos que ensaian nas súas casas os proxectos que presentarán en novas convocatorias. Se te animas a participar, envía o teu proxecto a arcadamarga@gmail.com. Lembra que para subir o PALCO DO TEMPO VIRADO necesitas un pasaporte: a autorización escrita (con DNI) da túa familia.

II PALCO DO TEMPO VIRADO

Apagamos as luces da sala, abrimos o noso gran pano e, amodiño, acendemos as luces do palco. En bambolinas @s nos@s artistas preparan as voces, afinan instrumentos, relaxan os músculos porque comeza xa o

  

II  PALCO DO TEMPO VIRADO

JULIETA E INÉS VÁZQUEZ (6ºB e 6ºA)  buscaron pola casa e argallaron os seus instrumentos. Aprendéronse o Pasodobre, inventaron ritmos e coreografía e velaquí amosan o seu meticuloso traballo.

A continuación DANIEL PRIETO (6ºC), unha persoa acostumada a dominar os seus nervios para poder conseguir o mellor de si mesmo nas competicións deportivas, hoxe sorprenderavos tanto polo seu elaborado instrumento como pola soltura e decisión na interpretación.

O espectáculo continúa. UNAI VÁZQUEZ (5ºA)  está preparado para actuar, aínda que hoxe esqueceu traer o seu chapeu. Escoitade a súa melodiosa voz neste karaoke do Pasodobre.

XABIER OXINALDE (6ºA) decidiuse a construir un cordófono. Velaquí o tedes, orgulloso co seu instrumento, feliz e divertido coa canción. 

Rematamos este II PALCO DO TEMPO VIRADO cunha estupenda versión tradicional. SARA FRAGA (6º B) está afeita a subir ós palcos para cantar e tocar coa súa pandeireta. Ela fixo o seu instrumento, claro que si pero, cando escoitou a peza decidiu disfrutala coa súa gran compañeira: a pandeireta.  

 Aínda co eco da pandeireta de Sara nos nosos ouvidos, rematamos este II PALCO DO TEMPO VIRADO. Xa sabedes que haberá tantos "palcos" coma vos queirades. Enviade os vosos VÍDEOS DAS PROPOSTAS  que vos presentei neste "tempo virado", pero lembrade que haberedes de enviar tamén a AUTORIZACIÓN das vosas familias. 
Estarei atenta para o que precisedes en arcadamarga@gmail.com

O PALCO DO TEMPO VIRADO

Atención!!!   Nenos e nenas, familias, profes, comunidade educativa e... habitantes tod@s do mundo mundial... Poñédevos cómod@s porque...

Inauguramos o PALCO DO TEMPO VIRADO.

A partires de agora mesmo, poderán subir a este palco todas aquelas persoas que envíen GRAVACIÓNS EN VÍDEO seguindo as propostas que se fixeron desde este blogue... Perooooooooo, será requisito IMPRESCINDIBLE, que o nais/pais/responsabeis legais envíen tamén a arcadamarga@gmail.com unha AUTORIZACIÓN escrita que vos permita subir ó palco. 

Nesta estrea disfrutaremos de varias actuacións estelares. 

Abrimos o telón para XABI VÁZQUEZ  de 6º C. Non perdades detalle porque Xabi é unha caixa de interesantísimas sorpresas.

Estades aplaudindo todavía, non si?  Fixástedevos a "armónica" que argallou Xabi ? E que vos pareceu o dúo que fai co seu pai?

Pois seguimos co espectáculo. Atención!!! Preparáidevos para aplaudir  porque sube o palco  CAROLINA LOUREIRO de 5º B

Non volo esperabades!!! Carolina preparounos estupendo un "videoclip" co Pasodobre do Tempo Virado. 

Agora é o tempo dun dúo. LUCÍA JIMÉNEZ (1º A) e o seu irmán HUGO (3ºB) divírtense ben xuntos e forman unha moi coordinada "parella de baile".

Continúa o espectáculo de hoxe; sube ó PALCO DO TEMPO VIRADO outro alumno de 6ºC. Trátase de MARTÍN RODRÍGUEZ que, resolveu co que tiña pola casa o seu instrumento e afinou moi ben a súa clara voz.

E agora poderedes escoitar o "sistro" que preparou VALENTINA ÁLVAREZ (5ºB) e que acompaña rítmicamente a súa doce voz.

E así pechamos por hoxe o telón deste PALCO DO TEMPO VIRADO. Lembrade que estará aberto para todas aquelas persoas que queirades enviar o voso VÍDEO e a AUTORIZACIÓN das vosas familias para vos subir nel.