PINGUEIRAS DUN MAR DE MÚSICA

Imaxinade as sensacións que poderiades disfrutar dentro da caixa de resonancia dun instrumento. Imaxinádevos a intensidade do son. Imaxinádevos a percepción da vibración con todo o corto... Un subidón!!!    Pois, ainda que non o lembremos, xa tivemos esas vivencias, xa disfrutamos desas sensacións cando a nosa nai cantaba levándonos dentro... "Quen canta seus males espanta"... daquela... " Por que non hei cantare?".  

PINGUEIRAS DUN MAR DE MÚSICAS

E agora responde:

*  Cal é o tema do vídeo?

*  De quen é a música?

*  Cal é a frase máis repetida na cantiga?

*  Cal é a familia instrumental máis abundante?

*  Cal é a familia instrumental máis escasa?

*  Que imaxes coinciden co susurro?

*   De que xeito se relacionan coa música ás mulleres das imaxes?

*  Para que lles serve a música ás mulleres das imaxes?

*  En que imaxes atopas as seguintes funcións:
- Para divertirse
- Para celebrar
- Para lembrar
- Para namorar
- Para relaxarse
- Para evadirse
- Para adormecer
- Para estar xuntos
- Para lucirse
- Para estimular a curiosidade

AS MÚSICAS DE PICASSO

AS MÚSICAS DE PICASSO

Nestes días podemos disfrutar no Museo de Belas Artes da Coruña dalgunhas obras de Pablo Picasso. Mirar as suas propostas plásticas é como escoitar o motor das artes do Século Vinte, ou como surfear na onda das avangardas europeas durante case cen anos. Da para moito.

Revisando os seus cadros, atoparedes moita "música". Ao principio, cando se divertía co seu amigo Braque descompoñendo as figuras, notaredes que pintou moitos bodegóns con instrumentos musicais e partituras. Picasso sempre dixo que non lle gustaba a música clásica, pero non puido evitar a influencia do seu colega Braque, que  tamén era músico e tiña o seu estudo cheo de instrumentos que tocaba a cotío.

Nos seus cadros tamén atoparedes moitas frautas, que xa sabedes é un instrumento sinxelo e que nos remite a natureza.

Tamén hai moitas moitas guitarras, un instrumento español, e sobre todo andaluz (lembrade que Picasso nace en Málaga).

A danza foi esencial na vida de Picasso. Hai  cen anos  os Ballets Rusos de Diaghilev tiñan moito éxito. O público rendíase diante da destreza do bailarín Nijinsky. A música de Stravinsky sorprendía. Cando decidiron montar os seus espectáculos en París, pedíronlle a Picasso que deseñara os decorados. E despois viñeron máis encargos para máis ballets de Eric Satie, de Manuel de Falla, de Dario Milhaud... Chegou a estar tan inmerso no mundo da danza que a súa primeira esposa foi unha bailarina, Olga Klokova, nai do seu primeiro fillo Pablo.

Velaí  déixovos un vídeo breve para que disfrutedes da súa obra, acompañada da música de Igor Stravinsky.

As Músicas de PICASSO

                  

A FRAUTA NOS CONTOS

A frauta é un instrumento ben importante. Hai un lote de historias nas que aparece.

Velaí algunhas delas.

A frauta Máxica

O frautista de Hamelin

A música das montañas. Contos Aymara

Os instrumentos

REFUGALLO SONORO 2015

Un ano mais,  para estimular a imaxinación, para desenvolver a investigación sonora, para redescubrir as cualidades de obxectos e materiais rexeitados... outro ano máis  vólvese a convocar o REFUGALLO SONORO.
Para refrescarvos a memoria, velaí queda o vídeo da exposición de instrumentos de hai dous cursos (daquela, o alumnado de sexto estabades en 4º).

Velaí algúns enlaces nos que atoparás ideas e proxectos, e as indicacións para facelos.

VERTEDERO SONORO

BRICOMÚSICA

CONSTRUCCIÓN DE INSTRUMENTOS MUSICAIS

COTIDIANÓFONOS

Se pescudas atoparás moitos videos titoriais que te indican o proceso de construcción.

GUITARRA SINXELA

BOTELLÓFONO

METALÓFONO 1

METALÓFONO 2

FRAUTA

BONGOS

YEMBÉ

KALIMBA ou SANZA

TAMBOR DE LINGUAS DE MADEIRA

Para animarte aínda mais, velaí deixo algúns vídeos da ORQUESTRA BASURA, un grupo de músicos mexicanos que percorren o seu país tocando os seus instrumentos feitos por eles mesmos.

Ten en conta que, logo de procurar información, e antes de construir o teu instrumento, habrás de elaborar unha FICHA DE TRABALLO. Nesta ficha terás que recoller os seguintes datos:

* Nome do Instrumento

* Familia á que pertence (Membranófono, Metalófono, Idiófono, Cordófono, Electrófono)

* Materiais que necesitas

* Ferramentas que necesitas

* Un debuxo ou esquema do instrumento.

PROGRAMA DUN CONCERTO DIDÁCTICO

LIBERTANGO do músico arxentino Astor Piazzola vai ser unha das pezas interpretadas polo Quinteto de Metais no concerto ao que acudiremos no Palacio da Ópera da Coruña. Velaí a gravación que traballamos e visionamos na clase. É un traballo elaborado polo profesor Tullio de Piscopo para o seu alumnado do Taller de Piano e Música.

LIBERTANGO de Astor Piazzola - MUSICOGRAMA

JOHANNES BRAHMS  foi un pianista e compositor centroeuropeo de hai 150 anos. Coma moitas das persoas cultas do seu tempo, adicoulle moita atención á cultura tradicional (aos contos e historias populares, ás cancións e danzas tradicionais...)  Dese interese xurdiu a peza que velaí vai: "DANZA HÚNGARA Nº 5" (chamámoslle polo número porque deixounos un lote de 21 recollidas as mais delas).

Velaí deixovos a interpretación da Orquestra do Teatro Bolshoi de San Petersburgo dirixida con gran expresividade pola xaposesa Tomomi Nishimoto. 

(Lembrade que xogamos a  limpar o salón: fregona, plumero, paniño suave nas figuriñas,  sacudir e colocar os catro manteis)

DANZA HÚNGARA Nº 5 - J. Brahms

O excepcional Charles Chaplin creou, interpretou e dirixiu esta escea maxistral que forma parte da súa película O GRAN DICTADOR.

RASURADO NA BARBERÍA. Charles Chaplin. O Gran Dictador

Tamén Walt Disney botou man das danzas Húngaras para elaborar a súa versión de OS TRES PORQUIÑOS.

OS TRES PORQUIÑOS

DO RE MI

Comezamos a sesión xogando a facer ECO coas frautas.

Velaí os esquemas melódicos.
Clica na flecha negra do angulo esquerdo e poderas escoitalos.

Logo faremos ritmos corporais... A proposta musical é PREGUNTA-RESPOSTA. Consideramos PREGUNTA motivo de tres negras (que toda a clase interpretamos con palmadas), e cada persoa haberá de inventar a súa RESPOSTA usando o ritmo das corcheas pero buscando distintas sonoridades de Percusión Corporal.

Velaí as células rítmicas que haberemos de transformar.

E agora, o texto que haberedes de completar. 

Poderedes traballar en solitario ou en equipos.

Rematamos tocando outra vez as frautas. 

Completamos a nosa partitura engadindo as voces. As frautas tocarán a súa parte e, a melodía do piano cantarémola coas letras que vimos de inventar.

Como broche final imos disfrutar co grupo vasco OSKORRI.

Esta gravación vainos permitir cantar en KARAOKE a súa canción

DO RE MI.

OSKORRI. DO RE MI

ADIVIÑA QUEN TOCA NA BANDA

Esta semana descubrimos os instrumentos musicais que tocaban os animais do libro MUZIEK.

Velaí a partitura para que poidades cantala.
Clica no trianguliño negro que está na dereita e escoitarás a melodía.