martes, 26 de maio de 2015

BLUES DO BONOBÚS

Velaí unha fácil e divertida peza para frauta

BLUES DO BONOBÚS


 blues bonobús

MIL ANOS DE CANTIGA

Alfonso X o Sabio soubo sumar habilidades, saberes e sensibilidades. Xudeos, árabes e cristianos participaron en importantísimos traballos científicos rescatando antigos textos e traducindo ao latín documentos árabes e tamén xudeos. 
Foi o autor de cantigas e cancións: AS CANTIGAS DE SANTA MARÍA. Velaí déixovos a partitura simplificada da Cantiga nº 100 (Santa María Estrela do Día).
Poderemos tocala tamén nun arranxo para os instrumentos de placas. Agora velaí quédavos para que poidades tocala coa frauta.


Lembrade que cando clicades na imaxe abrides un enlace a NOTEFLIGHT. Buscade a flecha de PLAY e premede nela para escoitar a melodía 
 cantiga 100

Velaí vos queda un enlace para que  vedase como se toca coa frauta.






martes, 12 de maio de 2015

ANIMADOS

Que instrumentos musicais identificas?
Que signos musicais recoñeces?






LIVE  MUSIC




HIGH  NOTE  CLIP




BOLERO DE RAVEL



WORLD TOUR MUSIC: IRLANDA; Vendendo peixe en DUBLÍN




Velaí está. É Molly Malone, unha pesca que vendía peixe polas rúas de Dublin, ou cando menos isa é a triste historia que escoitarás cantar en tódolos pub's da verde Ireland (Irlanda, para nós). 
 
Esta é a letra da canción



E velaí queda a partitura. Lembra que, si premes na partitura, abrirase NOTEFLIGHT e cando premas no triángulo vermello do ángulo inferior esquerdo poderás escoitar a melodía ao tempo que les as notas.
 Molly Malone


E agora imos escoitala en distintas voces.
Na versión tradicional de THE DUBLINERS


Na voz de Sidnead O'Connor




Na versión de U2




E agora imos cantada nós:



IMAXES E MÚSICA

Velaí algunhas IMAXES CON MÚSICA: historias curtas pero estupendas.

SWING OF CHANGE



O VENDEDOR DE FUME





https://vimeo.com/57315645



A    LÚA



luns, 11 de maio de 2015

CANTÁDEME UN MAIO



Chegou MAIO e con él a festa da primavera das aldeas e vilas galegas. Velaí algunhas coplas do cancioneiro tradicional que falan desa festa. Lembra que si clicas na partitura abrirase o NOTEFLIGHT e poderás escoitala se premes no triángulo vermello do ángulo inferior esquerdo.

 Aí ven o maio

AÍ VEN O MAIO 

Aí vén o Maio
pra Vilariño
aí ven o Maio
saír ó camiño.

Este é o Maio
que maiño é;
este é o maio
 que anda de pé.



 Levántate Maio

LEVÁNTATE  MAIO 

Levántate  Maio
que tanto durmiches
pasou o inverno
e non o sentiches.

E víste-lo Maio
e vístelo ben;
se é que non o vistes
 velaí vos vén.   


 Maio Maio


MAIO, MAIO ENTRA DE CREGO 

Maio, maio
entra de crego
Non revolva-lo tempo xurando.
Maio, Maio
da cruz da mariña
Bótennolo maio, señores caballeros
Se non teñen maios pois bótennos diñeiro

Ahí ven o Maio pola calle do Sol
Ahí ven o maio de roubar ó valedor.
Ahí ven o Maio pola calle do Medio
Ahí ven o Maio de roubar o velo-velo.
Ahí ven o Maio pola calle de Abaixo
Ahí ven o Maio de roubar o Tirabaixo.
Ahí ven o Maio por riba das silveiras
Ahí ven o Maio de roubar ás costureiras.
Ahí ven o Maio pola calle de Arriba
Ahí ven o Maio de roubar á Maravilla.

Escoita esta cantiga na versión de NA LÚA, un grupo do Porriño que, aló polos anos 80, encheu de marcha estas coplas tradicionais.


 Aínda que a tradición dos Maios é ben antiga e celebrábabase en toda Galicia, son as provincias do Sur (Ourense e Pontevedra) onde máis e mellor permanece.

Vai seguindo o fío:   VERBAS  -   SONS   -  IMAXES
Un poeta ourensán,  Manuel Curros Enríquez, escribiu hai cento trinta e cinco anos un belísimo poema que contaba como a rapazada da súa vila, Celanova, ía cantando polas casas e mesmo pedindo algún agasallo cando chegaba o tempo dos maios. Cen anos máis tarde Luis Emilio Batallán, un rapaz de Caldas de Reis, leeu  o poema dos maios; empezou a rebulirlle nos miolos unha melodía, e converteu aquel vello poema en canción. E trinta e cinco anos despois, velaí está, agora convertido en "película".


O MAIO

Aí vén o maio
de frores cuberto ...
Puxéronse á porta
cantándome os nenos;
i os puchos furados
pra min estendendo,
pedíronme crocas
dos meus castiñeiros.

Pasai, rapaciños,
calados e quedos;
que o que é polo de hoxe
que darvos non teño.
Eu sonvos o probe
do pobo gallego:
pra min non hai maio,
pra min sempre é inverno! ...


Cando eu me atopare
de donos liberto
i o pan non me quiten
trabucos e préstemos,
e como os do abade
frorezan meus eidos,
chegado habrá estonces
o maio que eu quero ...


Queredes castañas
dos meus castiñeiros? ...
Cantádeme un maio
sin bruxas nin demos;
un maio sin segas,
usuras nin preitos,
sin quintas, nin portas,
nin foros, nin cregos.


Manuel Curros EnríquezAires da miña terra


E para rematar, imos descubrir como construiu o seu MAIO a comunidade educativa do CEIP Campolongo de Pontevedra.