venres, 11 de decembro de 2020

ROTEIRO POLO MUNDO NO TEMPO DE NADAL

 O Solsticio de Inverno é unha celebración importante. Nos paises de tradición "cristiana" transformouse no NADAL, e sempre vai acompañado de música específica. Hoxe propóñovos unha viaxe musical por distintos paises de "tradición cristiana". Escoitaredes un fragmento dun villancico ou canto de nadal dun país e haberedes de descubrir de que lugar se trata. Pero NON atoparedes o nome do país, senón unha imaxe dalgún elemento característico que o vai  representar.

Velaquí o listado de paises e as imaxes que os representan:

Perú - alpaca                Nueva Zelanda - Kiwi (paxaro e froito)                Suecia - aurora boreal 

Alemania - salchichas, bretzel e cervexa             Francia - croisant            Reino Unido - autobús

Cuba - coche antigo                Euzkadi - surfista en Mundaka                       Nigeria - volvoretas

Rusia - matrioskas                       Austria - bailando vals                   Cataluña - dragón de Gaudí 

Portugal - fachada con azulejos                    Brasil - disfraces de carnaval                Italia - pizza

Grecia - ruinas e mar                        Canadá - totem indio                        Polonia - casas pintadas

 

* Por certo, esta é unha estupenda oportunidade para descubrirmos algunhas curiosidades...  Sabes que é unha "aurora boreal"?...  Que lles pasa as "volvoretas" de Nigeria?... Por que en Cuba teñen "coches tan antigos"?...  Que relación ten Cataluña co "dragón"?... Por que "o surf" pode representar a Euzkadi?


Agora intenta relacionar cada fragmento musical coa imaxe que lle corresponde 



xoves, 10 de decembro de 2020

ANIMADOS DURANTE UN SÉCULO

Ben seguro que tedes algunha serie de debuxos animados preferida. Propóñovos facer un percorrido pola programación infantil do século XX. 

Teredes que relacionar as distintas sintonías e/ou cabeceiras de debuxos animados ou programas infantiles, coa imaxe dos seu protagonistas.

Para resolver este xogo precisaredes a axuda das persoas maiores que teñades no voso arredor. Botade man de nais - pais - tías - tíos - avoas - avós... e, ademais de disfrutar moito, descubriredes "ó nenos e nenas que foron".

Para facilitares o xogo, están organizados en dous taboleiros distintos. Velaí o primeiro:

ANIMADOS   I

 


 

ANIMADOS DURANTE UN SÉCULO  II

 


 

xoves, 19 de novembro de 2020

UN SÉCULO PARA BAILAR

Ó longo do século XX a música popular pasou por moitísimas transformacións. Velaquí déixovos o traballo de Manon e Louna, dúas rapazas coreanas que fan un estupendo repaso das músicas e as diferentes modas no baile popular desde 1920 ata hoxe. Disfrutade!

 


 

E agora a versión masculina de Ricardo Walker's Crew,  unha compañía de danza que presenta o mesmo proxecto.



AS MÚSICAS DUN SÉCULO

Este curso 20-21 está previsto desenvolver o proxecto temático que o coronavirus non nos deixou facer: O SÉCULO XX.

O IES "Las Musas" de Madrid ten un canal de youtube no que podemos disfrutar duns estupendos vídeos coa música das distintas décadas ilustradas por imaxes da vida cotiá nas grandes cidades.

1900 - 1909


 

1910 - 1919


 
1920 - 1921


1930 - 1939


1940 - 1949



O estupendo youtuber e divulgador musical Jaime Altozano ten colgados no seu canal vídeos que serán de gran axuda para entender os cambios na música de cada década.

1950 - 1959

 

1960 - 69

 

1970 - 1979

 


 

1980 - 1989

 


 

1990 - 1999


Velaquí queda un xogo para practicar os vosos coñecementos sobre as músicas do século XX



domingo, 8 de novembro de 2020

CONTO CON CANTO PARA RESTAR: Os Dez Canciños

Hai moitas cancións que presentan os NÚMEROS. A que imos coñecer hoxe ten a peculiaridade que tamén introduce a RESTA: OS DEZ CANCIÑOS

Imos utilizar a preciosa edición preparada pola Editorial EKARÉ.

Velaí a portada e a partitura que nos presentan.



A Editorial publicou un vídeo de animación utilizando as ilustracións do libro e a versión grabada da canción. Velaquí está.

 


 Na nosa aula utilizamos a mesma melodía pero fixemos unha traducción ó galego (con algunhas libertades e erros evidentes). Así quedou:



Como axuda para coñecer e memorizar a canción, utilizamos as fichas que seguen:

 



 

 


 

 

Na rede hai uns cantos arranxos desta canción e ata  unha versión para monicreques. Disfrutade



 


 

CALIDADES DO SON: TIMBRE

O TIMBRE é outra das calidades do son. Polo su timbre distinguimos o ladrido dun can do frenazo dun coche. O timbre permítenos identificar ás voces das persoas, ou o son dos instrumentos.

Se premes sobre o cadro de abaixo atoparás un vídeo que che explicará este asunto polo miúdo.

A ORQUESTRA SINFÓNICA é a maior concentración de timbres que ten organizado o ser humano. Instrumentos de diferentes familias orquestais proporcionan unha enorme riqueza de son. A utilización de tantos timbres na música, ben a ser similar a utilizar moitas cores na pintura. O timbre é á música o mesmo que a cor é á pintura. Proporciona moitísima riqueza e amplía as posibilidades expresivas.

As Orquestras Sinfónicas son agrupamentos de instrumentos das distintas familias orquestais (CORDA, VENTO MADEIRA, VENTO METAL, PERCUSIÓN). A colocación destes músicos responde a razóns sonoras moi ben definidas. Na parte ESQUERDA do palco colócanse os instrumentos máis AGUDOS, e na parte DEREITA colócanse os máis GRAVES.


Na parte DIANTEIRA (os máis achegados ó público) estarán os instrumentos de son máis SUAVE; na parte TRASEIRA (os máis afastados do público) estarás os instrumentos de son máis FORTE.



Jaime Altozano é un youtuber moi coñecido polos seus comentarios, análises e explicacíons referidos a temas de música. Velaquí queda un dos seus vídeos no que explica polo miúdo a organización da Orquestra Sinfónica.


Despois de visionar ese vídeo, imprime o esquema da orquestra con todos os instrumentos. Podes ecribirlle o nome a cada un dos instrumentos e colorea tal e como se indica.

Para os máis pequenos velaí vai un sudoku para coñecer e disfrutar cos instrumentos musicais.


 



CALIDADES DO SON: INTENSIDADE

A INTENSIDADE é outra das catro calidades que distinguen un son. Clica no cadro e atoparás un vídeo explicativo.

 


 

Nunha partitura podes atopar distintistas abreviaturas para indicar como haberá de sonar interpretar cada pasaxe musical: desde moi suave ata moi forte.Velaquí un esquema.
 
 

Pero a intensidade do son pode medrar ou reducirse. Para indicares estos cambios utilízanse os reguladores.


Presta atención ó vídeo. Ben seguro servirá para aclarar dúbidas e confirmar ideas.




Velaí queda un mandala e un sudoku. Imprímeos e, ademaís dun tempo de diversión, conseguirás memorizar a terminoloxía da intensidade músical.





sábado, 7 de novembro de 2020

CALIDADES DO SON: DURACIÓN

A DURACIÓN é outra das calidades que podemos distinguir nun son.
Clica no cadro e abrirase un vídeo explicativo




Velaquí queda un cadro coa representación das diferentes figuras e silenciós, e cadansúas duracións



Para que te vaias coñecendo as distintas figuras, velaquí quedan estas fichas para colorear.










A duración das figuras pode ser variada utilizando os signos de prolongación.

   O  PUNTIÑO engade á figura a metade do seu valor        


A  LIGADURA suma o valor das figuras que une      


O CALDERÓN prolonga a duración da figura canto se desexe
     





A distribución das distintas figuras e silencios e a súa organización configuran o PULSO, o RITMO  e o COMPÁS. Botaremos man do bo facer de Jaime Altozano para entender estos conceptos. Velaquí tedes un vídeo para comprendelo.





CALIDADES DO SON: A ALTURA

 A ALTURA  é unha das catro calidades que nos permiten identificar un son. Imos debullar nesta idea.



Velaquí queda a colocación das notas no pentagrama coa Clave de Sol.




Jaime Altozano é un youtuber famosísimo polos seus vídeos nos que comenta polo miúdo mil e un temas de música. No enlace que segue, fai unha exposición moi ampla e detallada de como ler unha partitura. Presta moita atención porque son sete minutos moi densos pero poderás resolver as túas dúbidas.




Velaí quedan estas tarxetas co nome das notas musicais e da súa representación e colocación no pentagrama.  Imprime a imaxe. Colorea e recorta cada tarxeta. Xoga a colocalas:
* En orde ascendente
* En orde descendente
* Somentes as colocadas nas liñas (orde ascendente / descendente)
* Somentes as colocadas nos espacios (orde ascendente / descendente)
Finalmente pégaas no teu caderno na orde que prefiras.


Imprime a imaxe cos distintos teclados. Serías quen de poñerlle o nome a cadansúa tecla?






 

xoves, 18 de xuño de 2020

X PALCO DO TEMPO VIRADO

Nestes últimos días chegaron algúns vídeos e as autorizacións para subilos ó noso PALCO DO TEMPO VIRADO. Aínda que quedara escrito que xa non subiríamos máis, imos facer un último esforzo e con ista décima edición pecharemos o pano definitivamente.


Noela González (6ºC) envía as fotos do obradoiro que argallou na súa casa e no que conseguiu as vistosas maracas 

 



María Camba (6ºC) tamén decidiuse polas maracas. Botou man dunhas botellas  que, ben decoradas, lucen así de chulas.



Xabi Camba (4ºA) tamén escolleu a percusión. Esmerándose na decoración, preparou un tambor coas súas correspondentes baquetas.


Lorena Balado (4ºA) preferiu a familia das cordas. Con cartón, paciencia e moito agarimo, preparou unha  guitarra.

 
 

Cunha lata e un trozo de madeira Iván López Lavandeira (4ºB) argallou unha guitarra. Velaquí está, orgulloso do seu traballo.


Alex García (6ºC) observou que na súa casa había moito vidro para reciclar e preparou un "botellófono".


Velaquí queda ofrcéndonos a súa versión do Pasodobre do Tempo Virado


Ás irmás Ferreiro García (Lucía - 3ºB e Inés - 1ºA) convertéronse nunhas expertas bailarinas durante este tempo virado. Enviaronnos este vídeo dunha das súas sesións de movemento.


A Enzo Costa  (5º B) non lle gustan os vídeos, pero disfruta moito rapeando. Aproveitou unha das propostas que da Arca da Marga e gravounos este RAP.



Rematamos este TEMPO VIRADO  e tamén pechamos este PALCO cun experimentado percusionista. Xian Quintela adícalle moito tempo e enerxía á música. Gústalle petr na súa batería. Enviounos este vídeo no que acompaña ó inesquecible Michael Jackson.



Moitas grazas a  todas as persoas que decidíchedes ofrecernos os vosos saberes e habilidades enviándonos os vídeos ou as fotografías para encher este PALCO DO TEMPO VIRADO. Grazas tamén a todas as persoas que adicáchedes o voso tempo e a vosa atención a descubrir e disfrutar do traballo dos vosos compañeiros e compañeiras. Rematou o TEMPO VIRADO. Pechamos o PALCO. Rematou o curso. Que teñades un feliz e sano verán.
COIDÁDEVOS E COIDADE DA VOSA XENTE.


xoves, 4 de xuño de 2020

IX PALCO DO TEMPO VIRADO

Estamos rematando este TEMPO VIRADO. Este será o último PALCO . Aproveitemos para deixarnos sorprender pola nosa xente.

Gabriel Bouzas Longueira (5ºA) saiu de paseo con alguén que sabía e aprendeu a facer un chiflo... Encantado co seu novo xoguete musical comparte con nos este vídeo.


Noa Domínguez Remeseiro (6º B) contruíu un arouxo con tapas de botellas


Bruno Rozas Remeseiro (6º A) tamén fixo o seu


Martín García Calvo (4º B) argallou este elaborado cordófono


Paula Pose Fariña (6ºB) explícanos polo miúdo como convertiu un bote de deterxente nunha guitarra. E agasállanos cunha divertida e marchosa versión do Pasodobre do Tempo Virado.



Vega Menéndez Presedo preparou unhas castañolas co que atopou pola casa. Velaquí queda o vídeo onde nolo explica polo miúdo.


Durante este TEMPO VIRADO deste blog sairon moitas propostas e ben distintas. Velaquí a casa de Brenda Calviño González (1ºB) onde pasan un rato divertido facendo rítmos cunha base musical.




Ainoa Bregua Arcos (5º B) adícalle moito tempo á danza. Envíanos este brevísimo vídeo amosando como disfruta coa delicadeza do ballet.




Lucía Jiménez Bermúdez (1º A) e o seu irmán Hugo completaron unha laboriosa proposta: inventaron as rimas, completaron as frases, aprenderon a melodía, abriron as lacenas buscando algún obxecto para facer ritmo e velaí deixan a súa versión da canción "Fun ao mercado".




Pasamos o pano e pechamos o PALCO. Virán tempos novos. Verémonos, cantaremos, bailaremos, tocaremos... disfrutaremos xunt@s coa música.

Coidádevos moito e coidade da vosa xente.