luns, 19 de decembro de 2016

NADAL EN DANZA: O CREBANOCES

Cando chega o Nadal en moitos palcos do mundo as bailadoras e bailadores preparan con moito esmero un magnífico espectáculo: O CREBANOCES.  En 1892 o compositor ruso Piotr Tchaikovsky, atendendo ó encargo dos Teatros Imperiais, preparou unha partitura pola cal converteu en "ballet" un conto de Nadal cargado de maxia. 


A música de Tchaikovsky enche o escenario no que se suceden feitizos, batallas tremendas, o terrible rei dos ratos coas súas espantosas siete cabezas, o país dos doces, a fada do sucre... As melodías transfórmanse en danzas, moitas danzas: a Danza Chinesa, a Danza Árabe, O Trepat (Danza Rusa), a Danza das Frautas, a Danza da Fada do Sucre, o Vals das Flores, o Vals das folerpas...

Velaí unha das versións do CREBANOCES


Xa me tardaba: é o tempo da danza... disfrutemos do BALLET!


A DANZA CHINESA



DANZA RUSA





A DANZA DOS MIRLITÓNS



O VALS DAS FLORES



O VALS DAS FOLERPAS



A DANZA DA FADA DO SUCRE


En 1940, este ballet estrenouse nos Estados Unidos e acadou moita sona. Walt Disney, engaiolado pola partitura, decidiu utilizar esta música en FANTASÍA, unha película de debuxos animados. Velaí algunhas das escenas que imaxinaron os debuxantes americanos.


DANZA CHINESA



DANZA RUSA



DANZA DA FADA DO SUCRE



DANZA DAS FRAUTAS


domingo, 18 de decembro de 2016

O VIOLÍN DE LAURA

Estamos no tempo de Nadal, e así foi que Laura Bello agasallounos tocando para nós o seu violín.






Amosounos o seu benquerido instrumento, explicounos as distintas partes do violin, e para que serve cada peza; tamén falounos dos materiais co que o fixeron.


Descobrimos algúns datos deste instrumento


Explicounos algunhas das técnicas que utiliza para tocalo:



Aproveitamos para disfrutar coa música e a danza da estupenda violinista californiana Lindsey Stirling


E soubemos da experiencia do violinista Josua Bell tocando o seu Stradivarius no metro de Washington


martes, 6 de decembro de 2016

ROTEIRO DE VILLANCICOS

Villancicos novos e tamén antigos... 
...para adeprendermos músicas coñecidas ou partituras tradicionais... 
...para viaxarmos coa música de aquí e tamén de acolá... 
...para afinarmos en galego ou en portugués... 
...para cantarmos en español con acento venezolano ou colombiano...

OS CALZONCILLOS DE PAPÁ NOEL




PANXOLIÑA DOS BEATLES



MI BURRITO SABANERO




CHAMPA CON DULCES 


RIN RIN


A TODOS UN BON NATAL


PANXOLIÑAS e outros cantos do Solsticio de Inverno

Pois como imos chegarmos ó Solsticio de Inverno, aproveitaremos para cantar. Este vai ser o tempo das PANXOLIÑAS, dos CANTOS DE NADAL, dos CANTOS DE REIS... Velaí algunhas destas cantigas para disfrutar.

Na primeira proposta o grupo Chouteira cóntanos a historia dos Reis Magos pero trasladándoa aos nosos días, atualizándoa.

O COMETIDO





OS TRES REIS MAGOS





AS XANEIRAS





NADAL DE LUINTRA



GUEDELLOS DE CABRA



Para rematar, un enlace onde atopar LETRAS destas cantigas e doutras moitas para disfrutarmos neste tempo

PANXOLIÑAS

venres, 21 de outubro de 2016

UNHA ESCALEIRA DE SONS

A ESCALEIRA é un deses libros que "facemos sonar" na clase, converténdoos en contos musicais". Neste conto distintas personaxes suben a escaleira dunha casa por mor de entregar diferentes obxectos... e todo soa: as personaxes, os obxectos e mesmo a escaleira.






Concéntrate. Estos instrumentos e obxectos fixémolos sonar no conto A ESCALEIRA. 
Quen era quen, ou, que era que ?





Fai memoria e intenta lembrar os distintos ritmos que sonaban nesta historia.


luns, 17 de outubro de 2016

SOPA DE CABAZA, un conto de emocións para un outono musical

SOPA DE CABAZA é un conto de Helen Cooper no que hai tres amigos: un gato, un esquío, un pato. Tamén hai unha cabaña nun xardín con cabazas, unha pota con sopa e unha culler. Os personaxes descobren distintas emocións e afrontan conflictos: ciumes, enfado, fuxida, medo, remorsos, amistade, complicidade, colaboración... e pola noite sonarán unha gaita, un banjo e unha voz.


O alumnado do CEIP Marqués de Estella tamén gustou moito deste conto, e decidiron facer unha gravación. Velaí queda o seu traballo.



Lembra as actividades que fixemos na clase e resolve:









sábado, 15 de outubro de 2016

CANTAMOS UN NOBEL

BOB DYLAN, un cantor premiado

A Literatura é unha manifestación artística baseada no uso da Linguaxe. A linguaxe serve para inventar contos, narracións, novelas, obras de teatro, poesía... e CANCIÓNS.  Nunha canción as palabras e a música enrédanse e  mergúllanse unha na outra. A calidade desa aperta é o que teñen valorado os 18 membros da Academia Sueca para lle otorgaren o Premio Nobel de Literatura a Bob Dylan.
Por vez primeira  un cantautor recibe esta homaxe; un músico a quen lle premian por 

  “ter creado novas expresións poéticas dentro da gran tradición da canción americana... Durante 54 anos, Dylan estivo a se reinventar  creando unha nova identidade...

Moitas das suas cancións convertéronse en Himnos a favor dos Dereitos Humanos ou en contra da Guerra do Vietnam. En 1963 a sua canción Blowing in the wind fíxose popular en todo o mundo.


Esta é a letra en inglés e en castelán.



Esta é a partitura para tocar coa frauta.

Con este vídeo poderás practicar a dixitación.


E Velaí un arranxo para tocar con placas.

Outras obras suas:

The times they are a changin



Like a Rollings Stones


Hurricane



All Along The watchtower



martes, 27 de setembro de 2016

XOGANDO COS RITMOS

Imos divertirnos con ritmos sinxelos para facer percusións corporais.


Para disfrutalos ben, podemos practicalos coa canción COME de JAIN


UN CAN, UN GATO, UN RATO, UN GALO... DEBAIXO DA CAMA DA VELLA

Un conto que encanta é este conto cantado que forma parte do cancioneiro tradicional galego. 
Velaí o texto que utilizamos en clase



A partitura:


E a historia en imaxes cantada por MAMACABRA




xoves, 22 de setembro de 2016

TRABALINGOAS MUSICAL: FOGO NICOLÁS

FOGO NICOLÁS, un trabalinguas para petar, cantar e bailar.

Escomenzamos facendo ritmos con percusións corporais: 


Logo engadimos unha sinxela melodía e acompañamos as percusións cun texto: UN TRABALINGUAS.



Velaí o texto completo


 Esta é a versión recollida no disco "MÚSICAS PARA SEMENTE".


O gaiteiro Xosé Manuel Budiño foi un dos responsabeis do proxecto educativo multidisciplinar "CELTICS ROOTS" que en 2010 uniu a escolares galegos, irlandeses e británicos. Deste proxecto saiu un CD-ROM e un DVD recopilatorio de músicas tradicionais interpretadas polos escolares. FOGO NICOLÁS é unha desas pezas. Velaí un enlace para que poidades disfrutala e descubrir que diferencias presentan ámbalas dúas versións.


Agora que xa coñeces a peza, intenta resolver o seguinte pasatempo: Ordena os fragmentos musicais para reproducir a melodía.

1. 

2.
3.

4.

luns, 2 de maio de 2016

UNHA SAIA E UN LAGARTO

A SAIA DA CAROLINA é unha ben coñecida tradicional galega.
Velaí tes a letra

A saia da Carolina
ten un lagarto pintado;
cando a Carolina baila,
o lagarto dalle ó rabo.

-Bailaches Carolina?
-Bailei, si señor.
-Dime con quen bailaches.

 -Bailei co meu amor (tres veces)
Bailaches Carolina?
Bailei, si señor.

 A Carolina é unha tola
que todo o fai ó revés,
vístese pola cabeza
e díspese polos pés.

-Bailaches Carolina?
-Bailei no cuartel.
-Dime con quen bailaches.
Bailei co coronel (tres veces)
Bailaches Carolina?
Bailei, no cuartel.

O señor cura non baila
porque ten unha coroa.
Baile, señor cura, baile,
que Deus todo llo perdoa.

-Bailaches Carolina?
-Bailei, abofé.
-Dime con quen bailaches.
-Bailei co meu Xosé (tres veces)
Bailaches Carolina?
Bailei, abofé.

No curro da Carolina
non entra carro pechado,
namais entra a Carolina
co seu cocho polo rabo.

-Bailaches Carolina?
-Bailei, si señor.
-Dime con quen bailaches.
-Bailei co meu amor. (tres veces)

 Co teu amor, Carolina,
non volvas a bailar,
porque che levanta a saia
e é moi mala de baixar. BIS

Esta é a partitura
 
Velaí varias versións






 


WORLD MUSIC TOUR. PERÚ: La flor de la cantuta

A FLOR DA CANTUTA
Esta é a CANTUTA, unha preciosa flor que medra silvestre durante todo o ano nas serras templadas dos Andes. Como é a única flor que resisteas inclemencias do tempo, os INCAS pensaban dela que tería o augua necesaria para acompañar aos defuntos na súa derradeira viaxe. Os INCAS adícaronlle esta planta ao sol e considerábana sagrada. Hoxe é a flor nacional de Perú e Bolivia.


A FLOR DA CANTUTA  é unha cantiga tradicional peruana. Podes cantala, aprender a letra, aprender linguaxe musical xogando con ela e tamén aprender a tocala coa frauta se premes na imaxe

la flor de la cantuta


Velaí queda a partitura e maila letra


Podes tocala cun acompañamento musical se premes AQUÍ

E velaí queda a letra completa

xoves, 28 de abril de 2016

PRIMEIRAS CANCIÓNS COA FRAUTA

Estas son algunhas das primeiras cancións que aprendíchedes a tocar coa frauta. 
Empezamos tocando a nota  SI, logo engadimos a nota LA, e continuamos coa nota SOL.

Con estas tres notas podemos tocar moitas cancións. Velaí algunhas delas para que poidades practicalas na casa.

  Poderás escoitala se premes AQUÍ





 Podes escoitalo se premes   AQUÍ



 Podes escoitala se premes AQUÍ



Podes escoitala se premes AQUÍ





xoves, 14 de abril de 2016

UN BOLERO ASTUR-GALAICO

O BOLERO é unha cantiga, é un baile, é un xogo... co que disfrutaron as rapazas e os rapaces da Mariña dende antigo. Hei de vos comentar que "A Mariña" é a parte de costeira de Galicia que está a carón de Asturias. Pois iso, nesa zona cantaban e bailaban O BOLERO, e alí mesmo, nunha desas aldeas foi que os músicos de Chouteira o adeprenderon e decidiron cantalo polos palcos do país.


O que di a cantiga:

Pra baila-lo bolero
non fai falta maña
escolle-la parella
con moita elegancia.

Baila meu bolero
boleiriño baila,
baila meu bolero 
bolero da ialma

Bolero da aialma
bolero divino (bis)
Baila o meu bolero 
bailao comigo (bis)

mércores, 30 de marzo de 2016

WORLD MUSIC TOUR. GHANA: Contos e cantos africanos

 Desde Ghana e Senegal chégannos contos e cantos para pensar e disfrutar.



HOME DE COR

O poeta senegalés  Léopold Sédar Senghor escribiu este precioso poema lembrando unha dos contos que de neno lle contaron:

Querido irmán branco:
Cando eu nacín, era negro.
Cando medrei, era negro.
Cando me da o sol, son negro.
Cando estou doente, son negro.
Cando morra, serei negro.
 

Namentras, ti, home branco,
Cando naciches, eras rosado.
Cando medraches, fuches branco.
Cando te da o sol, eres vermello.
Cando sintes frío, eres azul.
Cando sintes medo, eres verde.
Cando estás doente, eres amarelo.
Cando morras, serás gris.
 

Entón, quen de nós é un home de cor?

Jerome Ruillier redactou e debuxou este conto africano que sonorizamos na aula de música.
Se clicas na imaxe poderás ler o libro. 

Home de cor

Velaí vos deixo esta versión que prepararou o alumnado dunha escola infantil italiana


Xogar e cantar e algo que facedes todos os nenos e nenas do mundo. A rapazada da tribu Krobo en Ghana, cando queren ir xogar cantan esta preciosa cantiga:

 Alguén pregunta:
A Keelie Makolay, mo paco meeno sway
(Makolay, queres vir  xogar?)

Alguén responde:
Yeah, yeah, mo paco meeno sway.
(Sí, sí, quero ir xogar.)

Todo o grupo canta, e repite:
Mo paco meeno sway,
Mo paco meeno sway,
Mo paco meeno sway,
O mo paco meeno sway
.






luns, 28 de marzo de 2016

WORLD MUSIC TOUR. EEUU: Un funeral en Nova Orleáns

OH WHEN THE SAINTS: un funeral en Nova Orleáns

Tódalas culturas teñen establecido distintos rituais de despedida no pasamento das persoas queridas. Nos vestímonos de negro, e reunímonos familiares e amigos para compartir a nosa tristura e lembrar as vivencias e experiencias. 

 
No Sureste de EEUU, na beira do Mississipi os costumes son ben distintos dos nosos. En Nova Orleáns as bandas de músicos acompañan aos parentes e amigos formando unha comitiva fúnebre ata o cemiterio. Unha das melodías que máis sonan nestes funerais é OH WHEN THE SAINTS. Velaí un exemplo:

 
Esta é a partitura. Se clicas sobre ela abrirás un enlace no que atoparás a partitura interactiva (sona a melodía ao tempo que se indican as notas que están a sonar 

Partitura interactiva


 Velaí queda as posicións da frauta nesta melodía

 Un video para que poidas practicala


Louis Amstrong foi un músico de Nova Orleáns. Coa súa trompeta e a súa peculiar voz percorreu escenarios de todo o mundo. Disfruta desta gravación na que interpreta, co seu grupo de jazz, unha estupenda versión da canción que hoxe estamos a debrullar.


"Quen canta seus males espanta"... pois velaí queda unha versión para cantala en karaoke


sábado, 19 de marzo de 2016

A SÚA MAXESTADE "O PIANO"


Tivemos a sorte de disfrutar da música de Xosé Arca, un compañeiro de 3º que tocou para nós no teclado algunhas pezas do repertorio que practica no conservatorio. 



Poidemos descubrir por qué os instrumentos con teclado que temos na aula NON SON PIANOS, e aproveitamos para coñecer outros instrumentos que teñen teclas.

Velaí vai un vídeo no que poderedes escoitar e ver distintos instrumentos que teñen teclado.
Instrumentos con teclado
 

Xosé practica nun piano, que é un instrumento con este curioso mecanismo de funcionamento. Velaí queda un vídeo e un esquema.




Xosé trouxo as súas partituras e así poidemos coñecer polo miúdo para que serven as CLAVES e distinguir o ACOMPAÑAMENTO  da MELODÍA. Escoitamos ESCALAS, ACORDES e ARPEGIOS. E fixemos unhas risas con este fragmento da película Os Aristogatos que explica estos conceptos musicais.

ESCALAS E ARPEXIOS (Os Aristogatos)


Para rematar deixovos dúas películas de "concertos de piano" que nos fan rir desde hai setenta anos. 

THE CAT CONCERT (Tom e Jerry)



MINIATURAS MUSICAIS (Paxaro Tolo e Andy Panda)




domingo, 28 de febreiro de 2016

WORLD MUSIC TOUR. ISRAEL en danza: Samoth

Nun curruncho do Mediterráneo está Israel.
 
A danza é o mellor xeito de facer visible o invisible.
Samoth é unha danza de Israel. Unha sinxela melodía formada por dúas frases e  que engaiolan e enredan.


A coreografía é ben sinxela. Na web de "Danzas del Mundo" atoparás unha explicación da danza, pero ben seguro non esqueciches que bailamos nunha roda collidos das mans. Velaí tes os debuxos que axudarán a lembrar os diferentes pasos da coreografía.



E velaí vídeos con diferentes coreografías





A MÚSICA NA PREHISTORIA e HISTORIA ANTIGA

A música forma parte da vida das persoas pero poderiamos saber quen fixo música por vez primeira, onde e cando? Pois non, pero si temos a certeza de que a música tivo gran moi importancia na vida cotiá. 

Imaxinade que precisamos comida e imos cazar. A nosa tribu organízase e mentres un grupo fai ruido con paus e pedras para asustar unha manada e conseguir encauzalos ata un curruncho no que preparamos unha trampa e onde outro grupo está agardando para matalos coas lanzas o as frechas. Despois, para celebralo teremos unha paparota e bailaremos acompañándonos dos mesmos paus e pedras e, incluso, simularemosos mesmos movementos que fixeramos para cazar... Na véspera da vindeira cacería bailaremos outra vez para conseguir a protección e axuda dos espíritus máxicos.
Se temos que moer o grao machacando con paus, é mellor facelo entre varias persoas, e  marcar o ritmo con música faino máis doado...

 A música na PREHISTORIA


Neste enlace atoparás información sobre instrumentos musicais prehistóricos
Instrumentos musicais prehistóricos

O Nilo, as pirámides, os templos, a esfinxe... Unha impresionante cultura que durante 5.000 anos medrou nas marxes do río máis grande do planeta.
Neste vídeo atoparás información sobre cando, como e por que facían música en EXIPTO no tempo dos faraóns

 Velaí unha das orixes da nosa cultura. Hai 2.500 anos nas ribeiras do Mediterráneo xurdiu un xeito de entender o mundo, un xeito organizarse e de vivir do que, aínda hoxe, somos herdeiros.
No seguintes enlaces poderás te achegar á música na GRECIA ANTIGA



Os romanos son parte de nós: debémoslles a fala, o modelo de leis e de organización social, a organización do territorio, e o modelo de vivendas e de vías de comunicación... desde os días da semana ata as festas do calendario...
Neste outro atoparás información sobre a música no tempo do IMPERIO ROMANO


sábado, 27 de febreiro de 2016

WORLD MUSIC TOUR. INGLATERRA de Shakespeare

WORLD MUSIC TOUR. A INGLATERRA de Shakespeare. A FEIRA DE SCARBOURGH

Ímonos de feira. Habemos de percorrer a Feira de Scarbough, unha pequena vila do Norte de Inglaterra.



No século XVI (nos tempos de Shakespeare) durante 45 días mercaderes e paisanos achegábanse a esta pequena vila para intercambiar ou adquirir todo tipo de productos ou mercadurías. Hamlet (un dos mais famosos personaxes de Shakespeare) percorre a feira de Scarbourgh e merca unha daga. Pois aló imos.

A nosa cantiga é unha antiga melodía con moitas versións. Nunha delas o namorado recorda a moza que coñeceu na feira de Scarbourgh. A letra é moi extraña; en tódalas estrofas repite o nome de varias plantas aromáticas: Parsley, sage, rosemary and Thyme  (perexel, salvia, romero e tomillo). Hai quen di que, con esas plantas,daquela facían unha pócima para namorar.

Velaí unha versión especialmente doce e co texto en castelán


Velaí a partitura para frauta doce


Neste enlace poderás seguir a partitura e practicar a dixitación


Na web "LA FLAUTA VIAJERA" atoparás un montón de actividades con esta melodía.
Para acceder a Scarbourgh fair haberás de escoller a arpa que está colocada no mapa do mundo sobre as Illas Británicas.

Flauta viajera

Se decides cantala, velaí tes un vídeo coa letra na versión que fixeron hai un lote de anos o duo Simon e Garfunkel


Pero esta melodía ten engaiolado aos músicos máis diversos. Mago de Oz, un grupo de rock duro (heavy metal) fixo esta versión