X PALCO DO TEMPO VIRADO

Nestes últimos días chegaron algúns vídeos e as autorizacións para subilos ó noso PALCO DO TEMPO VIRADO. Aínda que quedara escrito que xa non subiríamos máis, imos facer un último esforzo e con ista décima edición pecharemos o pano definitivamente.

Noela González (6ºC) envía as fotos do obradoiro que argallou na súa casa e no que conseguiu as vistosas maracas 

María Camba (6ºC) tamén decidiuse polas maracas. Botou man dunhas botellas  que, ben decoradas, lucen así de chulas.

Xabi Camba (4ºA) tamén escolleu a percusión. Esmerándose na decoración, preparou un tambor coas súas correspondentes baquetas.

Lorena Balado (4ºA) preferiu a familia das cordas. Con cartón, paciencia e moito agarimo, preparou unha  guitarra.

Cunha lata e un trozo de madeira Iván López Lavandeira (4ºB) argallou unha guitarra. Velaquí está, orgulloso do seu traballo.

Alex García (6ºC) observou que na súa casa había moito vidro para reciclar e preparou un "botellófono".

Velaquí queda ofrcéndonos a súa versión do Pasodobre do Tempo Virado

Ás irmás Ferreiro García (Lucía - 3ºB e Inés - 1ºA) convertéronse nunhas expertas bailarinas durante este tempo virado. Enviaronnos este vídeo dunha das súas sesións de movemento.

A Enzo Costa  (5º B) non lle gustan os vídeos, pero disfruta moito rapeando. Aproveitou unha das propostas que da Arca da Marga e gravounos este RAP.

Rematamos este TEMPO VIRADO  e tamén pechamos este PALCO cun experimentado percusionista. Xian Quintela adícalle moito tempo e enerxía á música. Gústalle petr na súa batería. Enviounos este vídeo no que acompaña ó inesquecible Michael Jackson.

Moitas grazas a  todas as persoas que decidíchedes ofrecernos os vosos saberes e habilidades enviándonos os vídeos ou as fotografías para encher este PALCO DO TEMPO VIRADO. Grazas tamén a todas as persoas que adicáchedes o voso tempo e a vosa atención a descubrir e disfrutar do traballo dos vosos compañeiros e compañeiras. Rematou o TEMPO VIRADO. Pechamos o PALCO. Rematou o curso. Que teñades un feliz e sano verán.

COIDÁDEVOS E COIDADE DA VOSA XENTE.

IX PALCO DO TEMPO VIRADO

Estamos rematando este TEMPO VIRADO. Este será o último PALCO . Aproveitemos para deixarnos sorprender pola nosa xente.

Gabriel Bouzas Longueira (5ºA) saiu de paseo con alguén que sabía e aprendeu a facer un chiflo... Encantado co seu novo xoguete musical comparte con nos este vídeo.

Noa Domínguez Remeseiro (6º B) contruíu un arouxo con tapas de botellas

Bruno Rozas Remeseiro (6º A) tamén fixo o seu

Martín García Calvo (4º B) argallou este elaborado cordófono

Paula Pose Fariña (6ºB) explícanos polo miúdo como convertiu un bote de deterxente nunha guitarra. E agasállanos cunha divertida e marchosa versión do Pasodobre do Tempo Virado.

Vega Menéndez Presedo preparou unhas castañolas co que atopou pola casa. Velaquí queda o vídeo onde nolo explica polo miúdo.

Durante este TEMPO VIRADO deste blog sairon moitas propostas e ben distintas. Velaquí a casa de Brenda Calviño González (1ºB) onde pasan un rato divertido facendo rítmos cunha base musical.

Ainoa Bregua Arcos (5º B) adícalle moito tempo á danza. Envíanos este brevísimo vídeo amosando como disfruta coa delicadeza do ballet.

Lucía Jiménez Bermúdez (1º A) e o seu irmán Hugo completaron unha laboriosa proposta: inventaron as rimas, completaron as frases, aprenderon a melodía, abriron as lacenas buscando algún obxecto para facer ritmo e velaí deixan a súa versión da canción "Fun ao mercado".

Pasamos o pano e pechamos o PALCO. Virán tempos novos. Verémonos, cantaremos, bailaremos, tocaremos... disfrutaremos xunt@s coa música.

Coidádevos moito e coidade da vosa xente.

VIII PALCO DO TEMPO VIRADO

Este ano tan raro imos montar tamén o noso REFUGALLO SONORO. Esta convocatoria presenta algunhas peculiaridades. Puidemos disfrutar de moitos dos instrumentos nos vídeos que xa subiron ós PALCOS anteriores. Pero outras persoas decidíchedes enviar fotos do voso instrumento. Aproveitaremos este PALCO DO TEMPO VIRADO para facer unha "exposición virtual". Comecemos.

A quena de Erica Galvís (6º C)	O tambor de Izan Coelho (4º B)

Os tambores de Sergio Alborés (4º B)	A quena de Martín Rodríguez (6º C)

A guitarra de Adrián Vieites (6º B)	O tambor tibetano de Uxía Suárez (6º C)

A batería de potas e testos de Brenda Calviño (1º B) e a súa irmá

O proceso de construcción do metalófono de Xian Quintela (6º C) aproveitando as placas do "perchófono" que presentara no Refugallo Sonoro de 2018.

VII PALCO DO TEMPO VIRADO

Velaquí unha nova edición do PALCO DO TEMPO VIRADO ó que sube ó noso alumnado para compartirmos as súas habilidades.

Comezamos cunha familia moi musical. A familia Méndez Rodríguez (Brais, Aitor, Laia E Lúa) abriron as lacenas e sacaron potas, testos, culleres... e velaí témolos disfrutando a topeeeeee...

Aitor e a súa irmá ofrécennos a súa coreografía do pasodobre

Fixádevos na concentración de Brais que utiliza as súas maracas nun acompañamento rítmico do pasodobre.

Na casa de Manuela Blanco (6ºC) tamén pasaron pola cociña e argallaron para agasallarmos ritmos en familia.

Carola Caamaño (6º A) investigou coas sonoridades recuperando obxectos entre o lixo da casa, e preparounos un acompañamento rítmico para unha melodía de Queen.

Vega Menéndez (6º B) construiu unhas castañolas con chapas e cartón. Velaí a súa interpretación do pasodobre

Xabier Oxinalde explícanos como construiu o seu laude

Brais Veiga (4º A) construiu un arouxo e unha maraca  que utiliza para acompañar o pasodobre.

Jorge Outón (6º B) aproveitou o confinamento para contruir un "pau de chuva" cun son tan intenso e continuado que máis que chuva lémbranos o bulires dunha fervenza.

Mussie González (6º B) abraza con agarimo mentres explícanos como construiu o seu ukelele.